Die blomme van Namakwaland:

Namakwaland se blomme is wêreldberoemd en besoekers van dwars oor die wêreld besoek die area gedurende die lente (Augustus tot September) om die prag van die veld te beleef.

Behalwe vir die blomtapyte wat bestaan uit die meer algemene spesies, sal diegene wat bereid is om die veld in te stap beloon word met vele ander blomspesies - alles vir 'n onvergeetlike ondervinding.
 

Voëlkyk:

'n Groot aantal voëlspesies is al waargeneem en voëlkykers sal sekerlik nie teleurgesteld teruggaan nie.

Die area is grootliks onaangeraak en die majestieuese witkruisarend (Aquila verreauxii), breëkoparend (Polemaetus bellicosus) en sekretarisvoël (Sagittarius serpentarius) word gereeld waargeneem.
 

Perdry:

'n Perd is beskikbaar vir diegene wat die area te perd wil verken.
 

Toer van die plaas:

Kleinvlei is 'n werkende plaas en jou gashere Buks en Carina sal met plesier toere van die plaas op versoek reel sodat jy kan sien waarom dit alles gaan.

Kinders sal gewoonlik graag meedeel om die koei te melk of om wees-lammers te voer.