Plekke van belang

Weskus - Lambertsbaai:

'n Seekos-mekka en die hart van die weskuskreef-kontrei wat ten volle kan beleef word deur 'n besoek aan die Muisbosskerm seekosrestourant (www.muisbosskerm.co.za).

Wit sandstrande en 'n blou see bied vele geleenthede vir avonture en sport in en om die see (www.westcoastsafaris.co.za).

Kranige voêlkykers behoort Voëleiland te besoek waar kolonies malgasse, kormorante en pikkewyne gesien kan word saam met Kaapse seeleeus. Verlorenvlei naby Elandsbaai moet ook nie gemis word nie.

Meer informasie:

EPos: lambertsinfo@mweb.co.za

Web: www.lambertsbay.co.za

Sederberg wildernisarea:

Van die beste tonele wat hier gesien kan word is die majestieuse Sederberge, oer-wandelpaaie deur onaangeraakte fynbos, rotsformasies, kristalhelder bergstrome, San rotskuns by die Stadsaal grotte, die Maltese Kruis en die Wolfberg boog. (www.capenature.co.za).

As jy tyd op hande het, gaan proe wyn by die Sederberg wynkelder (www.cederbergwine.com).

Die Sederberge bied ongeewenaarde wandelpaaie (www.capenature.co.za).

Meer informasie:

EPos: cederberg@lando.co.za

Web: www.clanwilliam.info

Citrusdal:

Citrusdal is ook bekend as die poort na die Sederberge, en soos die naam aanwys is die sitrusbedryf die lewensbloed van hierdie vallei.

Besoek Goede Hoop, een van die grootste verpakkingsfasiliteite in die land (www.goedehoop.co.za).

Vir buitedeursentoesiaste en vierwiel-motorfietsry, besoek die Citrusdal Quad Farm naby Citrusdal.

Die warmwaterbronne (www.thebaths.co.za), het 'n gemiddelde temperatuur van 43°C. Daar is beide warm en kouewater swembaddens, spa baddens en 'n gelisensieërde restourant wat nie gemis moet word nie.

Meer informasie:

EPos: info@citrusdal.info

Web: www.citrusdal.info

Fauna and flora:

Na die winterreëns verander die lentelandskap in 'n blommetapyt. 'n Buitengewone diversiteit spesies word hier gevind as gevolg van die verskille in topografie wat wissel van die droë Karoo tot die natter vleilande van die Olifantsrivier en die Sandveld kusstrook. Piekseisoen is tussen vroeg-Augustus tot laat-September. Besoek ook die Clanwilliam veldblommeskou wat gewoonlik teen laat-Augustus gehou word.

Die area bied ook 'n tuiste aan 'n unieke fauna, insluitende die bedreigde Kaapse luiperd, verskeie bokspesies en 'n hele aantal kleiner diere.

Onder die vele voëlspesies word die indrukwekkende Vereaux se arend (witkruisarend) en breëkoparend op 'n gereelde basis waargeneem.

Die Olifantsrivier is uniek met 8 endemiese varswater-visspesies wat slegs hier en nêrens anders op die planeet gevind word nie. Hieronder is die Clanwilliam-geelvis wat 'n gesogte hengelspesie is. Die rivier en damme soos Clanwilliam- en Bulshoekdam is baie populêr onder baarshengelaars.

Meer informasie:

EPos: cederberg@lando.co.za

Web: www.clanwilliam.info

Top van blad